مقتطفات من رباعيات صلاح جاهين

**Admin** الثلاثاء يناير 11, 2011 7:23 pm

مقتطفات من رباعيات صلاح جاهين

على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكة الأرض شرق وغرب
وباحبها وهي مرمية جريحة حرب
باحبها بعنف وبرقة وعلى استحياء

ياعندليب ماتخافش من غنوتك
قول شكوتك واحكي على بلوتك
الغنوه مش حتموتك..... إنما
كتم الغنا هو اللى ح يموتك

أنا شاب لكن عمري ألف عام
وحيد لكن بين ضلوعي زحام
خايف ولكن خوفي مني أنا
أخرس ولكن قلبي مليان كلام
عجبي!!

يا مشرط الجراح أمانة عليك
وانت في حشايا تبص من حواليك
فيه نقطة سودة في قلبي بدأت تبان
شيلها كمان.. والفضل يرجع إليك