انت غالي كلمات ظريف الاديب

**Admin** السبت فبراير 11, 2012 3:19 am

اللي حمي دانيال من الاسود
وحمي الفتية من النار الموقود
واللي عدي بشعبه كل الحدود
يحمي شعبة في ارض مصر

واللي اخرج يونان من بطن الحوت
فتح الاعمي واقام لعازر من الموت
شفي الابرص واسكت للبحر الصوت
يسكت صوت الريح في مصر

واللي شفي الاعرج والمجنون
اللي كلة رقه وقلبة حنون
اللي جماله سحر العيون
يقدر يرحم شعب مصر

واللي في ايده كل السلطان
واللي قلبه كلة حنان
واللي فدي بنفسة الانسان
يقدر ينقذ شعب مصر

واللي قال انا معاكم
وعدي ليكم مش هنساكم
عيني عليكم وهرعاكم
هو حافظ شعبة في مصر
--------------

كلمات ظريف الاديب
9/2/2012