سبع كلمات للشاعر ظريف الاديب

**Admin** السبت مارس 30, 2013 12:10 pm

كل عام وانتم بخير في مثل هذه الايام صلب الرب يسوع يسرني ان اقدم لكم
قصيده سبع كلمات المصلوب ( حاول تستخرج السبع كلمات من قصيدتي )
الشاعر ظريف الاديب

ومن غرائب الزمان قدامك اثنين في الميزان
القاتل والسارق والملك ذو الصولاجان
+++++++++++++++
وانت واحد من الناس تختار يسوع ولا بارباس
ولا واحد اختار يسوع الكل اختار بارباس
++++++++++++++++++
مع اني خالق الاكوان من اجلك قلت انا عطشان
تعال لي اديك حياه واخليك علي طول فرحان
+++++++++++++++++
انا الرب يسوع القدوس وهدفي خلاص النفوس
قلت للخاطي الاثيم اليوم تكون معي في الفردوس
++++++++++++++++++++++++++++
والاب تركني علشانك والامي كان هو الامك
ولانك مش عارف حبي طلبت الغفران علشانك
++++++++++++++++++++++++
شايفه ياعزراء صليب ابنك لم يكن يامي دا حلمك
هسيبك لاعز حبايبي يا يوحنا هوذا امك
+++++++++++++++++++++
وبعد الامي وجروحي من اجلك اسلمت انا روحي
ووصرخت لله الاب في يديك استودع روحي
++++++++++++++++++++++
ولاني انا الحمل بي كل شيئ اكتمل
ومن اجلك تم الخلاص وبدلت اليأس بأمل
++++++++++++++++++++++
وبقالك في قلبي مكان والموت ملهوش سلطان
بعد قيامتي من الاموات بدل الموت بقي ليك تيجان
++++++++++++++++++
دفع لي كل سلطان في السما والارض كمان
ولا انسان ولا شيطان يقدر يتزع الايمان
+++++++++++++++++++++++++++++
اتهلل وعلش فرحان بالقيامه بقي ليك مكان
صرت في وانا فيك منقوش علي ايدي كمان
+++++++++++++++++++++++++++++
وانا في السما بشفع فيك وبقوه دمي بحميك
حتي لو فيه صعاب الروح القدوس يكفيك
+++++++++++++++++++++++++++
سيع كلمات المصلوب للشاعر ظريف الاديب
بشاره يوحنا 19: 28 انا عطشان
بشاره لوقا 23 : 43 اليوم تكون معي في الفردوس
بشاره متي 27 :45 الهي الهي لماذا تركتني
بشاره لوقا 23 : 34 يا ابتاه اغفر لهم لانهم لا يعرفون ماذا يفعلون
بشاره يوحنا 19 : 27 يا يوحنا هوذا امك
بشاره لوقا 23 : 46 يا ابتاه في يديك استودع روحي
بشاره يوحنا 19 : 30 قد اكمل