تساؤلات ظريف الاديب

**Admin** الإثنين يوليو 11, 2011 11:37 pm

تساؤلات ظريف الاديب
يعني ايه تقول (لا) للتعديلات تنجس الصندوق
يعني ايه تقول (لا) للتعديلات تبقي عميل ومزقوق
يعني ايه تقول (نعم) للتعديلات تبقي مع الله
يعني ايه تقول (لا) للتعديلات تبقي كافر بالله
يعني ايه البرادعي يروح يستفتي يضربوه بالطوب
يعني ايه سياسه الي يقول( تعم) يبقي غالب واللي يقول( لا) مغلوب
يعني ايه بعض المساجد تقول (نعم) للتعديلات واجب شرعي
يعني ايه لو حملت كارنيه25 يناير تبقي عميل يا مرعي
يعني ايه تروح تنتخب تلاقي الورق غير مختوم
يعني ايه تروح تنتخب لو قلت (نعم )تاخذ المعلوم
يعني ايه تروح تستفتي يقولك مفيش حبر
يعني ايه اللجنه تتقفل الساعه 12بعد الظهر
يعني ايه المستشار المشرف يجبرك علي التصويت بنعم
يعني ايه ينضرد المراقب لما يعترض علي التصويت بنعم
يعني ايه سيده تقول لا تنضرب وتتكسر لها السياره
يعني ايه تتوزع اوراق تقول( نعم ) للماره
يعني ايه دم الثوار يضيع هباء
يعني ايه لما اطالب بحقي يقلي هو ده الغباء
خدعوني وقالوا روح استفتي يا مظلوم
وخدعوني تاني وادوني ورق غير مختوم
يعني ايه يضيع دم شهداء الثوره والديمقراطيه
يعني ليه نحط الدين في كل قضيه حتي السياسيه
يعني ايه اللي بيذيع النتيجه يقول الله اكبر ولله الحمد
تسالات ظريف الاديب لو حد فاهم يفهمني بمناسبه الاستفتاء علي تعديلات الدستور يوم 18/3/2011