قصيده ملينا للشاعر ظريف الاديب

**Admin** الخميس نوفمبر 17, 2011 6:32 pm

[center]

من البكا والعويل والاهات ملينا -----
هو ليه الزمن القاسي مال بينا
لو بنقول عين بعين هل ده الحل لينا :
لا هنطلب وهننتظر الله والينا
من البكا والعويل والاهات ملينا

ملينا من التفجير والحرق والتهجير ----
هو احنا شيء صغير ولا احنا شيء حقير
بنقول الله محبه اكيد دا شيء خطير ----
المحبه بتغير القلب والقلب محتاج تغيير
ملينا من التفجير والحرق والتهجير

اسمع اهاتي اسمع ألمي وصوت الحق ---
لو بنهجم او بنقتل ليكم حق
تقتل اختي تقتل ابني بأي حق ------
من دلواقتي عايزك تعرف لي حق
اسمع اهاتي اسمع ألمي وصوت الحق

ليه تستخدم الارهاب بأسم الاسلام -----
احنا سمعنا كتير انه دين سلام
كل يوم حرب وتفجير ودموع والام ------
بعد كل حادثه كلام كلام شبعنا كلام
ليه تستخدم الارهاب بأسم الاسلام

بيقولوا لو كدا ميت او كدا ميت راح اتفجر ---
لا ياحبيبي دا صوت ابليس اهد وفكر
صوت الحق دايما هادي ويغير -----
صوت الحب صوت حنون والله يقدر
بيقولوا لوكدا ميت اوكد ميت راح اتفجر

لا مش هقتل ولا احرق ولا هفجر ----
احرق حقدك بمحبه اكتر واكتر
هقتل ظلمك هقتل بطشك وهتتغيير ----
افجر قلبك بحناني راح تنمدم وهتتاثر--
لا مش هقتل ولا احرق ولا هفجر

مش ممكن ابدا ياحبيبي الظلم يسود -----
شفنا ممالك قاسيه قويه مش هتعود
ياظالم ارجع ياحبيبي رق وعود ----
عود انسان رنم تاني وامسك بايدك العود--
مش ممكن أبدا ياحبيبي الظلم يسود

اظهر حبك يا سيد لو بالاحلام ---
لما حبك يجري في قلبي راح اهدا وانام
راح يتفجر قلبي الخاطي واعيش في امان ---
هو حبك فجر في نهر سلام--
اظهر حبك يا سيد لو بالاحلام

شعر ظريف الاديب